Uppskriftir frá Kristínu...

Kristín sendi mér þessar líku flottu uppskriftir, en það voru sko fjörtíu og eitthvað blaðsíður!! Svo ég set inn eina fisk uppskrift og eina kjúklinga svo set ég inn meira seinna ;)

Ástukjúlli (flott nafn, finnst ykkur ekki ;) )

Mjög fljótlegur og góður réttur sem klikkar aldrei.
Kjúklingabringur (eða leggir eða bitar) settar í eldfast mót.
1 bolli barbecue sósa
1 peli rjómi
Niðurskornir sveppir að vild. B
arbecuesósan og rjóminn hrært saman og sveppirnir settir út og síðan hellt yfir kjúllann.
Bakað í ofni í 35-40 mín.

Meðlæti:
Hrísgrjón og ferskt salat.

Fljótlegur fiskur

2 ýsuflök
¼ lítri matreiðslurjómi
125 gr sveppasmurostur ( má vera meira magn og öðruvísi ostur)
250 gr sveppir
Salt
Pipar
Paprikuduft

1. Ýsuflökin eru krydduð og þeim raðað í smurt eldfast mót
2. Stráið söxuðum sveppum ofan á, hrærið saman ostinum og rjómanum og hellið yfir.
3. Paprikudufti stráð efst, bakað í 30 mínútur við 200°c.
4. Gott er að setja alls kyns grænmeti í þetta, ferskt eða frosið

Ég vil taka það fram að ég er ekki búin að prófa þetta, en prófið endilega, og látið svo vita hvernig til tókst ;)

kveðja
Ásta sem er löt og ætlar að hafa pizzu (reyndar heimabakaða) í kvöldmatinn :)

Brauðið fræga

Jáhá ..... ég ætla að skrifa uppskriftina eftir minni :) enda er hún nú ekki svo flókin

Til að gera í 2 rúllutertubrauð

Rúllutertubrauð- fín frá Myllunni eru í grænum poka
1 askja paprikuostur
1 dós aspas
4-5 skinkusneiðar
Majónes
Ostur
Paprikukrydd / eða eitthvað álíka

Byrjað á því að setja paprikuostinn í pott og hella smá aspas safa með til að það sé auðveldar að bræða hann. Síðan er osturinn bræddur þannig hann verður eins og leðja.
Þá er skinkunni, 1 msk að majónesi og aspasinum bætt út í. Hrært saman.
Eftir það er gumsinu smurt í rúllutertubrauðin jafnt í öll horn :)
Rúllað upp og brauðið mýkt með að smyrja með majónesinu. Rifinn ostur settur ofan á og kryddað eftir smekk ofan á ostinn.

Einnig er hægt að prófa aðra osta :)

Enjoy kær kveðja Kristín Erla

Takk fyrir gærdaginn gellur ;)

Hæ stelpur, vildi bara segja takk fyrir síðast ;) Það var ýkt gaman í gær, ég þyrfti að fara að læra fornleifafræði svo ég sé löggild inn í hópinn ;)

kveðja
Ásta

Fiskur

jæja ég prófaði Jensínu múslí, það var mjög gott- hefði sennilega verið betra ef ég hefði ekki bara haft 2 dl af haframjöli (það áttu að vera 6 hehe) hér er hún:


1 ½ bolli hveiti klíð
1 bolli sesamfræ
6 bollar haframjöl
1 bolli sólblómafræ
3 bollar hveitikím.

Gott er sömuleiðis að setja:
1 poka af möndlum
1 bolla af kókos

Þessu hrært saman í skál.

Í aðra skál er þessu blandað saman:
¾ bolli matarolía
1 ½ bolli púðursykur
1/3 bolli vatn
1 tsk vanilludropar.
Fyrst er sykurinn leystur upp svo hitt sett í skálina.

Að þessu loknu er öllu blandað saman og sett á bökunarplötu og bakað í 45 min við 150°.

Rúsínur mega ekki bakast með en þær má þó setja í að bakstri loknum.


Svona í lokin langaði mig að gá hvort einhver þarna úti eigi ekki góða fiskuppskrift- helst einhverja þar sem fiskurinn er bakaður í ofni (brenni allt sem fer á pönnu og klúðra öllu í potti)

kv. Elr

Spaghetti Carbonara

500 gr spaghetti
5 stk egg
1 dl rjómi
salt og svartur pipar úr kvörn
1-2 msk olífuolía
25 gr smjör
200 gr beikon skorið í teninga
100 gr parmeseanostur
Þeytið egg og rjóma saman ásamt ögn af salti. Hitið smjör og olíu í stórum potti. Setjið beikonið út í pottinn og látið malla við vægan hita þar til fitan er orðin glær. Sjóðið pastað eftir leiðbeiningum á pakkanum, látið renna af því og setjið í pottinn með beikoninu hrærið vel saman, takið pottinn af hitanum og hrærið eggjablöndunni saman við ásamt dálitlu af ostinum. Eggin hlaupa við hitann af pastanu svo að það þarf að vera handfljótur. Hrærið þar til hver ræma af pastanu er þakin þykkri gulri sósu. Bætið nú afganginum af ostinum saman við og piprið eftir smekk.

Ég set nú yfirleitt líka lauk, sveppi og hvítlauk, en þetta er rosa gott :)

Verði ykkur að góðu

Takk fyrir boðið

Hæ hæ
Þetta er svo sniðug hugmynd að stofa þessa síðu:) Snillingur
ég held hins vegar að ég muni vera meira í því að þyggja en ég er með nokkrar sniðugar uppskriftir

kær kveðja Kristín Erla

Fyrsta blogg

Jæja, þá er komið að því, nú á að fara gera brasið í eldhúsinu opinbert hehe :) Sjáum hvernig fer, hér ætlum við að tjá heiminum hvað við erum að elda og hvernig til tókst hehe :) Enjoy